Now Reading
கிசான் கிரெடிட் கார்டு வரவே இல்லை!

கிசான் கிரெடிட் கார்டு வரவே இல்லை!

கொரோனோ ஊரடங்கால் பாதிக்கப்பட்டுள்ள விவசாயிகளுக்காக அறிவிக்கப்பட்ட கிசான் கிரெடிட் கார்டு திட்டம் வெற்று அறிவிப்பாக மட்டுமே உள்ளது என்று வேதனை தெரிவிக்கின்றனர் விவசாயிகள்.

இந்தியா முழுவதும் அறிவிக்கப்பட்ட ஊரடங்கால் வீழ்ச்சியடைந்த நாட்டின் பொருளாதாரத்தை மீட்டெடுக்க, கொரோனோ சிறப்பு தொகுப்பு திட்டம் மூலமாக இருபது இலட்சம் கோடி ரூபாய்க்கு திட்டங்களை அறிவித்தார், பிரதமர் மோடி. அதில், இரண்டு இலட்சம் கோடி வேளாண் துறைக்கு ஒதுக்கப்பட்டது. இந்த நிதியின் மூலமாக 2.5 கோடி விவசாயிகளுக்கு கிசான் கிரெடிட் கார்டுகள் வழங்கப்படும் என்றும் அறிவிக்கப்பட்டது. கிசான் கிரெடிட் கார்டுகள் மூலமாக விவசாயிகள் 3 இலட்சம் வரை கடன்பெற்றுக் கொள்ளலாம் என்றும், அதற்கான வட்டிவிகிதம் 4 சதவீதம் மட்டுமே என்றும் அறிவித்தது.

ஆனால், இந்த அறிவிப்புகள் வெறும் அறிவிப்பாகவே மட்டுமே உள்ளது என்றும், எந்த விவசாயியும் இதனால் இதுவரை பயன் பெறவில்லை என்றும் குமுறுகின்றனர் உழவர் பெருமக்கள்.

“கடந்த ஆண்டு முதலே தஞ்சை மாவட்டத்தில் கிசான் கிரெடிட் கார்டுகள் திட்டம் அறிமுகப்படுத்தப்படும் என்று மாவட்ட ஆட்சியர் அவ்வப்போது அறிவிப்புகள் வெளியிட்டு கொண்டிருக்கிறார். ஆனால், விவசாயிகள் வங்கிகளுக்கு சென்று கிசான் கிரெடிட் கார்டுகள் பற்றி கேட்டால் அதுபற்றி தங்களுக்கு எந்த உத்தரவும் வரவில்லை என்று வங்கிகள் தரப்பில் கூறப்படுகிறது. பல ஊர்களில் உள்ள வேளாண் அலுவலர்கள், கால்நடை அலுவலர்கள் போன்றோருக்கும் இதுபற்றி முழுமையான விபரங்கள் தெரியவில்லை. எனவே, மாவட்ட நிர்வாகங்கள் இந்த கடன் அட்டை திட்டத்தால் பயனடைந்த விவசாயிகளின் பட்டியலை வெளியிட வேண்டும்.

See Also

கொரோனோவால் சிக்கித் தவிக்கும் விவசாயிகளுக்கு மத்திய, மாநில அரசுகள் இதுவரை ஒரு ரூபாய்கூட உதவி செய்யவில்லை. ஆனால், பல இலட்சம் கோடிகளுக்கு திட்டங்களை மட்டும் அறிவிக்கின்றனர். எனவே, உடனடியாக விவசாயிகளுக்கு கிசான் கிரெடிட் கார்டுகளை வழங்க அந்தந்த மாவட்ட நிர்வாகங்கள் நடவடிக்கை எடுக்கவேண்டும்” என்கிறார் விவசாய சங்கத்தின் மாவட்ட துணைத்தலைவர் வழக்கறிஞர் ஜீவக்குமார்.

-சு. வீரமணி

What's Your Reaction?
Excited
0
Happy
2
In Love
0
Not Sure
0
Silly
0
View Comments (0)

Leave a Reply

Your email address will not be published.

Scroll To Top